കറാച്ചി: കശ്മിര്‍ വിഷയത്തില്‍ പാകിസ്താന്‍ തണുപ്പന്‍ നിലപാടാണ് സ്വീകരിക്കുന്നതെന്ന് ഹാഫിസ് സഈദ്. കശ്മിര്‍ ജനതയ്ക്ക് പ്രായോഗിക പിന്തുണ നല്‍കണമെന്നാണ് സഈദ് പാക് സര്‍ക്കാരിനോട് ആവശ്യപ്പെട്ടത്.
ഇപ്പോള്‍ വാക്കുകൊണ്ടുള്ള പിന്തുണയാണ് നല്‍കുന്നതെന്നും അദ്ദേഹം ആരോപിക്കുന്നു. മുംബൈ ഭീകരാക്രമണത്തിന്റെ സൂത്രധാരനാണ് ഹാഫിസ് സഈദ്.
ഇന്ത്യയാണ് പാകിസ്താനില്‍ ഭീകരാക്രമണം നടത്തുന്നതെന്ന പല്ലവിയും സഈദ് വാര്‍ത്താസമ്മേളനത്തില്‍ ആവര്‍ത്തിച്ചു. കഴിഞ്ഞ ദിവസം പൊലിസുകാരന്‍ കൊല്ലപ്പെട്ട സംഭവം ചൂണ്ടിക്കാട്ടിയായിരുന്നു ഇത്.