ലാസ് വെഗാസ്: ഡബ്ല്യു.ബി.ഒ (വേള്‍ഡ് ബോക്‌സിങ് ഓര്‍ഗനൈസേഷന്‍) വെല്‍ട്ടര്‍വെയ്റ്റ് കിരീടം ഫിലിപ്പൈന്‍സ് ബോക്‌സര്‍ മാനി പാക്വിയാവോയ്ക്ക്. മുന്‍ ചാംപ്യന്‍ ജെസെ വര്‍ഗാസിനെ ഇടിച്ചു വീഴ്ത്തിയാണ് പാക്വിയാവോ കിരീടം സ്വന്തമാക്കിയത്. 118-109, 118-109, 114-113 എന്ന സ്‌കോറിനായിരുന്നു പാക്വിയാവോ വിജയിച്ചത്. 2010ല്‍ മിഗ്വേല്‍ കോട്ടോയെ കീഴടക്കി കിരീടം നേടിയ ശേഷം പാക്വിയാവോ ഇപ്പോഴാണ് കിരീടം തിരിച്ചുപിടിക്കുന്നത്. കരിയറില്‍ മൂന്നാം തവണയാണ് ഫിലിപ്പൈന്‍സ് താരം കിരീടം നേടുന്നത്.
2014ല്‍ നൂറ്റാണ്ടിന്റെ പോരാട്ടമെന്നു വിശേഷിപ്പിക്കപ്പെട്ട മത്സരത്തില്‍ ഫ്‌ളോയ്ഡ് മെയ്‌വെതറുമായി ഏറ്റുമുട്ടി പാക്വിയാവോ പരാജയമേറ്റു വാങ്ങിയിരുന്നു. പിന്നീട് രാഷ്ട്രീയത്തിലിറങ്ങുന്നതിന്റെ ഭാഗമായി ഏഴു മാസം മുന്‍പ് പക്വിയാവോ വരമിക്കല്‍ പ്രഖ്യാപിച്ചു.
നിലവില്‍ ഫിലിപ്പൈന്‍സ് സെനറ്റിലെ അംഗമായ പാക്വിയാവോ വിരമിക്കല്‍ തീരുമാനം പുനഃപരിശോധിച്ച് റിങിലേക്കു തിരിച്ചെത്തിയാണ് നേട്ടം സ്വന്തമാക്കിയത്.