മലപ്പുറം: കേരളത്തില്‍ ജൈവ കൃഷി  വ്യാപകമാക്കുന്നതിന്റെ ഭാഗമായി കേരള ജൈവ കര്‍ഷക സമിതി ജൈവ കൃഷി പരിശീലന കോഴ്‌സ് നടത്തും.  പ്രായ, വിദ്യാഭ്യാസ, ലിംഗ ഭേദമന്യേ പങ്കെടുക്കാവുന്ന പദ്ധതിയില്‍ പരിശീലനം പൂര്‍ത്തിയാക്കുന്നവര്‍ക്ക് ജൈവ കര്‍ഷക സമിതിയുടെ സര്‍ട്ടിഫിക്കറ്റ് നല്‍കും. 3000 രൂപയാണ് ഫീസ്. പ്രഥമ ഘട്ടത്തില്‍ മലപ്പുറത്തും പിന്നീട്  തുടര്‍ പദ്ധതിയായി മറ്റു ജില്ലകളിലും പരിശീലനം നടത്തും. സംസ്ഥാനതല ഉദ്ഘാടനം ഈ മാസം 10ന് കല്‍പകഞ്ചേരി കടുങ്ങാത്തുകുണ്ട് ജി.എല്‍.പി. സ്‌കൂളില്‍ രാവിലെ 10ന് കൃഷിമന്ത്രി വി.എസ് സുനില്‍ കുമാര്‍ നിര്‍വഹിക്കും. കല്‍പകഞ്ചേരി പഞ്ചായത്ത് സഹകരണത്തോടെയാണ് പദ്ധതി തുടങ്ങുന്നത്. കേരള ജൈവ കര്‍ഷക സമിതി പ്രസിഡന്റ് ചന്ദ്രന്‍ അധ്യക്ഷനാവും. കൂടുതല്‍ വിവരങ്ങള്‍ക്ക് 8129001449, 9946475493.