കോഴിക്കോട്: 'നല്ല വായന ഉത്തമ സമൂഹ സൃഷ്ടിക്ക് ' പ്രമേയത്തില്‍ എസ്.കെ.ജെ.എം.സി.സിയുടെ ആഭിമുഖ്യത്തില്‍ ഡിസംബര്‍ ഒന്നുമുതല്‍ പത്തുവരെ ആചരിക്കുന്ന പ്രസിദ്ധീകരണ ക്യാംപയിനിന്റെ ജില്ലാ പ്രചാരണ കണ്‍വന്‍ഷന്‍ നാളെ 12.30ന് പാളയം സി.പി ബസാറിലെ നുറസ്‌റത്തുല്‍ ഇസ്‌ലാം മദ്‌റസയില്‍ നടക്കും.
നറുവിജ്ഞാനം നല്‍കി സമുദായത്തെ സമുദ്ധരിക്കുകയെന്ന ലക്ഷ്യത്തോടെ സമസ്ത പ്രസിദ്ധീകരണങ്ങളായ സന്തുഷ്ട കുടുംബം, കുരുന്നുകള്‍, അല്‍മുഅല്ലിം മാസികകളും മുഅല്ലിം പബ്ലിക്കേഷന്‍ ബ്യൂറോയുടെ മറ്റു പ്രസിദ്ധീകരണങ്ങളും ഓരോ വീട്ടിലും എത്തിക്കുകയാണ് കാംപയിനിലൂടെ ലക്ഷ്യമിടുന്നത്. എസ്.കെ.ജെ.എം കൗണ്‍സിലര്‍മാരും സമസ്തയുടെ കീഴ്ഘടകങ്ങളുടെ പ്രതിനിധികളും പങ്കെടുക്കുന്ന സംഗമത്തില്‍ കെ.കെ ഇബ്‌റാഹിം മുസ്‌ലിയാര്‍ അധ്യക്ഷനാകും. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. അബ്ദുല്‍ ഖാദര്‍ ഖാസിമി മലപ്പുറം മുഖ്യപ്രഭാഷണം നടത്തും.