മൂന്നാര്‍: കോളനികള്‍ കേന്ദ്രീകരിച്ച് മോഷണം നടത്തിയ പ്രതി മോഷണ ശ്രമത്തിനിടെ പൊലിസിന്റെ പിടിയിലായി. മൂന്നാര്‍ എല്ലപ്പെട്ടി എസ്റ്റേറ്റില്‍ മുരുകരാജ് (46)ണ് മൂന്നാര്‍ എസ്.ഐ. ജിതേഷിന്റെ പിടിയിലായത്. ഞയറാഴ്ച രാത്രി മൂന്നാര്‍ മര്‍ത്തോമ റിസോര്‍ട്ടില്‍ മോഷണം നടത്താന്‍ ശ്രമിക്കവെയാണ് ഇയാളെ പിടികൂടിയത്.
റിസോര്‍ട്ടിന്റെ ജനറേറ്റര്‍ മുറിക്കടുത്ത് അപരിചിതമനായ ഒരാള്‍ നില്‍ക്കുന്നതുകണ്ട മാനേജര്‍ സംഭവം പൊലിസിനെ അറിയിക്കുകയായിരുന്നു. തുടര്‍ന്ന് നടത്തിയ പരിശോധനയിലാണ് മോഷ്ടാവ് പിടിയിലായത്. കോളനികള്‍ കേന്ദ്രികരിച്ച് 36 പവന്‍ സ്വര്‍ണ്ണവും, പണവും കവര്‍ന്നയാളെ കണ്ടെത്താന്‍ കഴിഞ്ഞിട്ടില്ല.