കൊച്ചി: സമനിലയില്‍ തളയ്ക്കാന്‍ ഇറങ്ങിയ ഗോവയ്ക്കു മുന്നില്‍ കേരളാ ബ്ലാസ്‌റ്റേഴ്‌സിന്റെ അപ്രതീക്ഷിത വിജയം. ഇഞ്ച്വറി ടൈമിന്റെ ഒന്‍പതാം മിനിറ്റിലാണ് മലയാളി തീരം വിനീത് വിജയ ഗോള്‍ നേടിയത്.

ഒന്നിനെതിരെ രണ്ടു ഗോളുകള്‍ നേടിയാണ് കേരളത്തിന്റെ വിജയം. ആദ്യ പകുതിയുടെ ഒന്‍പതാം മിനുട്ടില്‍ റാഫേല്‍ കൊയല്‍ഹോ വക ഗോവയ്ക്കായിരുന്നു ആദ്യ ഗോള്‍. 48-ാം മിനുട്ടില്‍ പെനാല്‍റ്റിയിലൂടെ ബെല്‍ഫോര്‍ട്ട് തിരിച്ചടിച്ചു. സമനിലയില്‍ തുടര്‍ന്ന് കളിയിലെ ഇഞ്ച്വറി ടൈമില്‍ വിനീത് വിജയ ഗോള്‍ നേടുകയായിരുന്നു.

12 പോയിന്റുമായി ബ്ലാസ്റ്റേഴ്‌സ് പോയിന്റ് പട്ടികയില്‍ നാലം സ്ഥാനത്തെത്തി. ഏഴു പോയിന്റുമായി ഗോവ എട്ടാം സ്ഥാനത്ത് തുടരുന്നു. ഐ.എസ്.എല്‍ മൂന്നാം പതിപ്പില്‍ ഗോവയ്‌ക്കെതിരേ ബ്ലാസ്റ്റേഴ്‌സിന്റെ തുടര്‍ച്ചയായ രണ്ടാം വിജയം.