കോഴിക്കോട്: വേള്‍ഡ് ഷോട്ടോക്കാന്‍ കരാട്ടെ ഫെഡറേഷന്റെ നേതൃത്വത്തില്‍ നടക്കുന്ന ദേശീയ കരാട്ടെ ചാംപ്യന്‍ഷിപ്പ് 12, 13 തിയതികളിലായി കോഴിക്കോട് ഇന്‍ഡോര്‍ സ്റ്റേഡിയത്തില്‍ നടക്കും. കേരളം, തമിഴ്‌നാട്, കര്‍ണാടക, പോണ്ടിച്ചേരി, ഗോവ, മഹാരാഷ്ട്ര, മധ്യപ്രദേശ് തുടങ്ങിയ സംസ്ഥാനങ്ങളില്‍ നിന്നായി അറുന്നൂറോളം മത്സരാര്‍ഥികള്‍ പങ്കെടുക്കും.
ആറുവയസ് മുതല്‍ 60 വയസുവരെയുള്ള കാറ്റഗറികളിലാണ് മത്സരം. വേള്‍ഡ് കരാട്ടെ ഫെഡറേഷന്റെ നിയമങ്ങള്‍ക്കനുസരിച്ച് കരാട്ടെ അസോസിയേഷന്‍ ഓഫ് ഇന്ത്യയുടെ അനുമതിയോടെയാണ് മത്സരം സംഘടിപ്പിക്കുന്നത്. വാര്‍ത്താസമ്മേളനത്തില്‍ ഇബ്രാഹിം ചാലിയത്ത്, സി. റഫീഖ് പങ്കെടുത്തു.