കണ്ണൂര്‍: ജില്ലിയിലെ 41 റെയ്ഞ്ചുകളിലെ പ്രസിഡന്റ്, ജനറല്‍ സെക്രട്ടറി, ട്രഷറര്‍ എന്നിവര്‍ പങ്കെടുക്കുന്ന ജില്ലാ ജംഇയ്യത്തുല്‍ മുഅല്ലിമീന്‍ ലീഡേഴ്‌സ് ക്യാംപ് (തഖ്‌വീം 2016) ഇന്നു രാവിലെ 9ന് പെരുമളാബാദ് ഹയാതുല്‍ ഇസ്‌ലാം മദ്‌റസയില്‍ സമസ്ത കേന്ദ്ര മുശാവറ സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാകും. വിവിധ സെഷനുകള്‍ക്ക് അബൂബക്കര്‍ നിസാമി, അബ്ദുസമദ് മുട്ടം, മുഹമ്മദ് ഷരീഫ്, ഷംസുദ്ദീന്‍, മുജീബ് റഹ്മാന്‍ നേതൃത്വം നല്‍കും. കെ.പി.പി തങ്ങള്‍, എസ്.കെ ഹംസ ഹാജി, കെ.സി മൊയ്തു മൗലവി ഉപഹാരങ്ങള്‍ സമ്മാനിക്കും. മജ്‌ലിസുന്നൂറിന് ഫൈസല്‍ തങ്ങള്‍ അല്‍ ബുഖാരി നേതൃത്വം നല്‍കും.

സമദ് മുട്ടം ചെയര്‍മാന്‍; ഗഫൂര്‍ ബാഖവി കണ്‍വീനര്‍

കണ്ണൂര്‍: സമസ്ത കേരള സുന്നി ബാലവേദി ജില്ലാ ഉപദേശക സമിതി ചെയര്‍മാനായി ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍സെക്രട്ടറി അബ്ദുസമദ് മുട്ടത്തിനെയും കണ്‍വീനറായി എസ്.കെ.എസ്.എസ്.എഫ് ജില്ലാ വര്‍ക്കിങ് സെക്രട്ടറി അബ്ദുല്‍ഗഫൂര്‍ ബാഖവി വെണ്‍മണലിനെയും സുന്നി ബാലവേദി ജില്ലാ കൗണ്‍സില്‍ തെരഞ്ഞെടുത്തു. ഇബ്രാഹിം ബാഖവി പൊന്ന്യം (എസ്.വൈ.എസ്), പി.ടി മുഹമ്മദ് (എസ്.എം.എഫ്), മുഹമ്മദ് ഇബ്‌നു ആദം (എസ്.കെ.എം.എം.എ), നാസര്‍ ഊര്‍പ്പള്ളി (കൗണ്‍സില്‍ പ്രതിനിധി) എന്നിവരെയും ഉപദേശക സമിതി അംഗങ്ങളായി തെരഞ്ഞെടുത്തു. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. അബ്ദുഷുക്കൂര്‍ ഫൈസി പുഷ്പഗിരി, അഫ്‌സല്‍ രാമന്തളി സംസാരിച്ചു.