തൊടുപുഴ: രാജ്യാഭിമാനം കാക്കുക ആത്മാഭിമാനം ഉണര്‍ത്തുക എന്ന മുദ്രാവാക്യവുമായി 10, 11, 12 തീയതികളില്‍ കോഴിക്കോട് നടക്കുന്ന യൂത്ത്‌ലീഗ് സംസ്ഥാന സമ്മേളനത്തിന്റെ വിളംബരം അറിയിച്ചുള്ള യൂത്ത്ബാന്റ് തൊടുപുഴയില്‍ നടന്നു.
മങ്ങാട്ടുകവല ബസ്റ്റാന്റില്‍ നിന്നും ആരംഭിച്ച യൂത്ത്ബാന്റ് നഗരസഭ ചെയര്‍പേഴ്‌സണ്‍ സഫിയ ജബ്ബാര്‍ ഫ്‌ളാഗ് ഓഫ് ചെയ്തു.
നൂറുകണക്കിന് പ്രവര്‍ത്തകരുടെയും നാസിക് ഡോളിന്റെയും, റോളര്‍ സ്‌കേറ്റിംഗിന്റെയും അകമ്പടിയോടെ ഹരിത പതാകയുമേന്തി വര്‍ണ്ണാഭമായി നടന്ന യൂത്ത്ബാന്റ് തൊടുപുഴ ഗാന്ധിസ്‌ക്വയറില്‍ സമാപിച്ചു.
യൂത്ത്ബാന്റിന് ജില്ലാ യൂത്ത്‌ലീഗ് പ്രസിഡന്റ് ടി.കെ നവാസ്, ജന. സെക്രട്ടറി റസ്സാഖ് വെട്ടിക്കാട്ട്, സംസ്ഥാന പ്രവര്‍ത്തക സമിതി അംഗം കെ.എസ് സിയാദ്, കെ.എച്ച് അസീസ്, യൂത്ത്‌ലീഗ് ജില്ലാ ഭാരവാഹികളായ പി.എച്ച് സുധീര്‍, ഇ.എ.എം അമീന്‍, പി കെ നൗഫല്‍, അന്‍ഷാദ് കുറ്റിയാനി, ടി.എം അഷ്‌റഫ്, നേതാക്കളായ കെ.എം അജ്‌നാസ്, വി.എ നിസാര്‍, സല്‍മാന്‍ ഹനീഫ്, പി.എന്‍ നൗഷാദ്, അബ്ദുല്‍ കലാം കണിച്ചാട്ട്, അനസ് കോയാന്‍ എന്നിവര്‍ നേതൃത്വം നല്‍കി.
ഗാന്ധി സ്‌ക്വയറില്‍ നടന്ന സമാപന സമ്മേളത്തില്‍ ലീഗ് നേതാക്കളായ പി.എസ് അബ്ദുല്‍ ജബ്ബാര്‍, പി.കെ അബ്ദുല്‍ ഖാദര്‍, പി.എന്‍ സീതി, കെ.എം സലിം, മുഹമ്മദ് വെട്ടിക്കല്‍, എ.എം ഹാരിദ്, അഡ്വ. സി.കെ ജാഫര്‍, ടി.കെ അനില്‍കുമാര്‍ എന്നിവര്‍ അഭിവാദ്യമര്‍പ്പിച്ചു.