കരുനാഗപ്പള്ളി: കുലശേഖരപുരം പുന്നക്കുളത്ത് സഹോദരങ്ങള്‍ തമ്മില്‍ നടന്ന കുടുംബ വഴക്കില്‍ മധ്യസ്ഥതക്ക് ചെന്ന അയല്‍വാസിയായ യൂത്ത് കോണ്‍ഗ്രസ് നേതാവ് കെ.എസ്.പുരം സുധീറിനെതിരെ കരുനാഗപ്പള്ളി പൊലിസ് കള്ളക്കേസ് എടുക്കുകയായിരുന്നുവെന്നും ഇത് ഗൂഢാലോചനയുടെ ഭാഗമാണെന്നും യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് സി.ആര്‍.മഹേഷ്.
പ്രാഥമികാന്വേഷണ പോലും നടത്താതെ ജാമ്യമില്ലാ വകുപ്പ് ചുമത്തി കേസെടുത്തു ജയിലടക്കുകയാണു ചെയ്തത്. കുലശേഖപൂരത്ത് മദ്യഷാപ്പ് വരുന്നതിനെതിരെ ശക്തമായ സമരത്തിന് നേതൃത്വം കൊടുത്ത സുധീറിനെ കള്ളക്കേസില്‍ കുടുക്കി മദ്യലോബികളെ സഹായിക്കുകയാണ.്
ഇതിനെതിരെ പൊലിസ് സ്റ്റേഷന്‍ മാര്‍ച്ച് ഉള്‍പ്പടെയുള്ള സമരപരിപാടികള്‍ നടത്താന്‍ നിയോജക മണ്ഡലംകമ്മിറ്റി തീരുമാനിച്ചു. നിയോജക മണ്ഡലം പ്രസിഡന്റ് സി.ഒ.കണ്ണന്‍ അധ്യക്ഷനായി.