വടക്കാഞ്ചേരി: സാഹിത്യകാരനും അഭിഭാഷകനുമായിരുന്ന എം.കൃഷ്ണന്‍ കുട്ടിയുടെ ഏഴാം സ്മൃതി നാളെ നടക്കും. രാവിലെ 8.30 ന് വടക്കാഞ്ചേരി കേരള വര്‍മ്മ പൊതുവായനശാലയുടെ നേതൃത്വത്തിലാണ് സ്മൃതി ചടങ്ങ്. കൃഷ്ണന്‍ കുട്ടിയുടെ വിപുലമായ ഗ്രന്ഥശേഖരം ചടങ്ങില്‍ വെച്ച് കേരള വര്‍മ്മക്ക് കൈമാറും. സാഹിത്യകാരനും, തൃശൂര്‍ മെഡിക്കല്‍ കോളജ് അക്കാദമിക് ഡീനുമായ ഡോ. വി.വി ഉണ്ണികൃഷ്ണന്‍ അനുസ്മരണ പ്രഭാഷണം നടത്തുമെന്ന് വായനശാല പ്രസിഡന്റ് വി.മുരളി അറിയിച്ചു.