തൊടുപുഴ: ഏക സിവില്‍ കോഡ് നടപ്പാക്കാനുള്ള കേന്ദ്ര സര്‍ക്കാര്‍ നീക്കത്തിനെതിരെ ജില്ലയിലെ വിവിധ നിയോജക മണ്ഡലങ്ങളിലും ക്യംപസുകളിലും ഒപ്പ് ശേഖരണം സംഘടിപ്പിച്ചു. നെടുങ്കണ്ടം എം.ഇ.എസ് കോളജില്‍ എം.എസ്.എഫ് ജില്ലാ ട്രഷറര്‍ മുബിന്‍ മജീദ് ഒപ്പുശേഖരണം ഉദ്ഘാടനം ചെയ്തു.
ജില്ലാ സെക്രട്ടറി അന്‍സില്‍ ബഷീര്‍ മുഖ്യ പ്രഭാഷണം നടത്തി. തൊടുപുഴ അല്‍ അസ്ഹര്‍ കോളജില്‍ ജില്ലാ സെക്രട്ടറി അന്‍വര്‍ ഹസന്‍ ഉദ്ഘാടനം ചെയ്തു. എം.ജി സര്‍വകലാശാല യൂനിയന്‍ കൗണ്‍സിലര്‍ മന്‍സില്‍ അഷറഫ്, പി.ജി പ്രതിനിധി നാജി താജുദ്ദീന്‍, മുഹമ്മദ് ഫര്‍സിന്‍ എന്നിവര്‍ നേതൃത്വം നല്‍കി. അടിമാലി എം.ബി. കോളജില്‍ ദേവികുളം നിയോജക മണ്ഡലം പ്രസിഡന്റ് അസര്‍ മുഹമ്മദ് ഉദ്ഘാടനം ചെയ്തു. ജില്ലാ സെക്രട്ടറി അന്‍ഷാദ് കല്ലാര്‍കുട്ടി മുഖ്യപ്രഭാഷണം നടത്തി.