ന്യൂഡല്‍ഹി: സ്ത്രീകള്‍ക്കെതിരെ ഓണ്‍ലൈന്‍ അധിക്ഷേപം നടത്തുന്നത് കുറ്റകരമായി കണക്കാക്കുമെന്ന് കേന്ദ്ര വനിതാ ശിശുക്ഷേമ വകുപ്പ് മന്ത്രി മേനകാ ഗാന്ധി. ഓണ്‍ലൈനിലൂടെ ധാരാളം സ്ത്രീകള്‍ അധിക്ഷേപിക്കപ്പെടുന്നുണ്ടെന്നും എന്നാല്‍ ഇതു സംബന്ധിച്ച് വിവരങ്ങള്‍ കൈമാറാനോ സംസാരിക്കാനോ അവര്‍ തയ്യാറായിരുന്നില്ല. ഓണ്‍ലൈന്‍ അധിക്ഷേപത്തിനെതിരെ പെരുമാറ്റചട്ടം കൊണ്ടുവരുന്നതിനായി ആഭ്യന്തര മന്ത്രാലയത്തിന് കത്തെഴുതിയിട്ടുണ്ടെന്നും മന്ത്രി വ്യക്തമാക്കി.
സ്ത്രീകളുടെ പ്രസവവാധി നീട്ടുന്ന കാര്യവും പരിഗണനയിലാണ്. കൂടാതെ പെരുമ്പാവൂരില്‍ നിയമവിദ്യാര്‍ഥിനി ജിഷയുടെ കൊലപാതക കേസ് അന്വേഷിക്കുന്ന പൊലിസിനേയും മേനക കുറ്റപ്പെടുത്തി.
രാജ്യത്ത് പുതിയ വനിതാനയം പുറത്തിറക്കിയ ചടങ്ങിലാണ് മന്ത്രി ഇക്കാര്യങ്ങള്‍ വ്യക്തമാക്കിയത്.