കിളിമാനൂര്‍: രാജധാനി ഇന്‍സ്റ്റിറ്റ്യൂട്ട് എന്‍ജിനീയറിങ് ആന്‍ഡ് ടെക്‌നോളജിയിലെ എന്‍.എസ്.എസ് യൂനിറ്റും ജില്ലാ ടൂറിസം പ്രമോഷന്‍ കൗണ്‍സിലും സംയുക്തമായി വര്‍ക്കല ബീച്ചും പരിസരവും ശുചീകരിച്ചു. മേഖലയെ പ്ലാസ്റ്റിക് വിമുക്തമാക്കുന്നതിനും ബീച്ച് ശുചീകരണത്തോടെ സൂക്ഷിക്കേണ്ടതിന്റെ ആവശ്യകത വിവരിച്ചും വളന്റിയര്‍മാരുടെ നേതൃത്വത്തില്‍ ബോധവല്‍കരണ, പ്രചാരണ പ്രവര്‍ത്തനങ്ങളും സംഘടിപ്പിച്ചു. വര്‍ക്കല മുനിസിപ്പല്‍ ചെയര്‍പേഴ്‌സണ്‍ ബിന്ദു ഹരിദാസ് ഉദ്ഘാടനം ചെയ്ത ശുചീകരണ പരിപാടിയില്‍ വൈസ് ചെയര്‍മാന്‍ അനിജിയോ, പ്രോഗ്രാം ഓഫിസര്‍മാരായ മഹേഷ് എ.ജി, അനൂപ് ആര്‍.ജി, അധ്യാപകരായ ഗോപകൃഷ്ണ, നന്ദു ബി.എന്‍ എന്നിവര്‍ സംസാരിച്ചു.