ആലപ്പുഴ: പ്രതിപക്ഷ നേതാവ് വി.എസ് അച്യുതാനന്ദന്‍ വോട്ട് ചെയ്യുന്നത് എത്തിനോക്കിയെന്ന പരാതിയുടെ അടിസ്ഥാനത്തില്‍ അമ്പലപ്പുഴ മണ്ഡലത്തിലെ എല്‍.ഡി.എഫ് സ്ഥാനാര്‍ഥി ജി. സുധാകരനെതിരെ പൊലിസ് കേസെടുത്തു. വോട്ടിംഗില്‍ ക്രമരഹിതമായി ഇടപെട്ടെന്ന കുറ്റം സുധാകരനെതിരെ ചുമത്തിയിട്ടുണ്ട്. കൂടാതെ വോട്ട് ചെയ്യാന്‍ നിര്‍ബന്ധിച്ചു, രഹസ്യ സ്വഭാവം സൂക്ഷിച്ചില്ല തുടങ്ങിയ കുറ്റങ്ങളും ചുമത്തിയാണ് എഫ്.ഐ.ആര്‍ രജിസ്റ്റര്‍ ചെയ്തിരിക്കുന്നത്. ആലപ്പുഴ ജില്ലാ പൊലിസ് മേധാവിക്ക് മുഖ്യ തെരഞ്ഞെടുപ്പ് ഓഫീസര്‍ ഇ.കെ മാജി നല്‍കിയ നിര്‍ദേശത്തിന്റെ അടിസ്ഥാനത്തിലാണ് പുന്നപ്ര പൊലിസ് സംഭവത്തില്‍ എഫ്.ഐ.ആര്‍ രജിസ്റ്റര്‍ ചെയ്തത്