മങ്കട: കൂട്ടിലങ്ങാടി എം.എസ്.പി മൈതാനത്തു നടന്ന ഉപജില്ലാ കായിക മേളയില്‍ 312 പോയിന്റോടെ പരിയാപുരം സെന്റ് മേരീസ് ഹയര്‍ സെക്കന്‍ഡറി സ്‌കൂളിനു തുടര്‍ച്ചയായി മൂന്നാം തവണയും കിരീടം.
225 പോയിന്റോടെ തിരൂര്‍ക്കാട് എ.എം ഹയര്‍ സെക്കന്‍ഡറി സ്‌കൂള്‍ രണ്ടും 97 പോയിന്റോടെ മങ്കട ഗവ. ഹയര്‍ സെക്കന്‍ഡറി സ്‌കൂള്‍ മൂന്നും സ്ഥാനം നേടി. യു.പി വിഭാഗത്തില്‍ ചെറുകുളമ്പ് കെ.എസ്.കെ.എം.യു.പി സ്‌കൂള്‍, പരിയാപുരം ഫാത്തിമ യു.പി, പുണര്‍പ്പ വി.എം.എച്ച്.എം യു.പി എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. എല്‍.പി വിഭാഗത്തില്‍ കൊളത്തൂര്‍ എല്‍.പിഒന്നും, വേരു പുലാക്കല്‍ എന്‍.സി.ടി രണ്ടും, ചെലൂര്‍ പി.ടി.എം എല്‍.പി മൂന്നും സ്ഥാനം നേടി.
ക്ലിറ്റോ ആന്റണി, കെ.എസ് നേഹ, ഡിഫ്‌ന ജോസ്, ജിഷ്ണു പ്രിയ, മരിയ ജോര്‍ജ്, എം.ആദിത്യ, സോജന്‍ കെ സന്തോഷ്, ശ്യാം കൃഷ്ണന്‍ (പരിയാപുരം) പി മുഹമ്മദ് ഫവാസ്, കെ അര്‍ഷല്‍ (ഇരുവരും എ.എം എച്ച്.എസ് തിരൂര്‍ക്കാട്), ടി.ജെ ആല്‍ബിന്‍ (ഫാത്തിമ പരിയാപുരം), സി.എച്ച് ഫാത്തിമ അന്‍ഷിദ (ചെറുകുളമ്പ് കെ.എസ്.കെ.എം.), പി ജിതിന്‍, (തരകന്‍ അങ്ങാടിപ്പുറം), കെ ശ്യാം ജിത്ത് (മങ്കട ഗവ.എച്ച്.എസ്) എന്നിവര്‍ വിവിധ വിഭാഗങ്ങളില്‍ വ്യക്തി ഗത ചാമ്പ്യന്‍മാരായി.