എടപ്പാള്‍: ലൈസന്‍സില്ലാതെയും രണ്ട@ിലധികം പേരുമായും ബൈക്ക് യാത്ര നടത്തിയ വിദ്യാര്‍ഥികള്‍ ചങ്ങരംകുളം പൊലിസിന്റെ പിടിയിലായി. അനധികൃതമായും ലൈസന്‍സില്ലാതെയും വിദ്യാര്‍ഥികള്‍ ബൈക്ക് ഉപയോഗിക്കുന്നതായും ഇത്തരം ബൈക്കുകള്‍ അപകടത്തില്‍പെടുന്നതായുമുള്ള റിപ്പോര്‍ട്ടിനെ തുടര്‍ന്നാണ് പരിശോധന കര്‍ശനമാക്കിയത്. ഇന്നലെ നടന്ന പരിശോധനയില്‍ ചങ്ങരംകുളം എസ്.ഐ മനീഷിന്റെ നേതൃത്വത്തിലുള്ള പൊലിസ് 75 ബൈക്കുകള്‍ പിടികൂടി. പിടികൂടിയ ബൈക്കുകള്‍ സ്റ്റേഷനിലെത്തിക്കുകയും വിദ്യാര്‍ഥികളുടെ രക്ഷിതാക്കളെ സ്റ്റേഷനില്‍ വിളിച്ച് വരുത്തി നിയമ നടപടി കളെ കുറിച്ച് ബോധ്യപ്പെടുത്തുകയും തുടര്‍ന്നും ബൈക്ക് ഉപയോഗിച്ചാല്‍ രക്ഷിതാക്കള്‍ക്കെതിരെ നിയമ നടപടി സ്വീകരിക്കുമെന്ന മുന്നറിയിപ്പ് നല്‍കുകയും ചെയ് തു. പിഴ ഈടാക്കിയാണ് ബൈക്കുകള്‍ വിട്ടുനല്‍കിയത്.വരും ദിവസങ്ങളില്‍ പരിശോധന കര്‍ശനമാക്കുമെന്നു പൊലിസ് അറിയിച്ചു.