നാട്ടുകാര്‍ വിവരമറിയിച്ചതന ുസരിച്ച് മതിലകം പൊലിസ് സ്ഥലത്തെത്തി വാഹനം കസ്റ്റഡിയിലെടുത്തു
കയ്പമംഗലം: കയ്പമംഗലത്ത് മാടുകളെ കുത്തിനിറച്ച ലോറി നാട്ടുകാര്‍ തടഞ്ഞു. മാടുകള്‍ക്ക് ശ്വാസം കിട്ടാത്ത രീതിയില്‍ കുത്തി നിറച്ചു കൊണ്ടു പോവുകായിരുന്ന പിക്കപ്പ് ലോറിയാണ് നാട്ടുകാര്‍ തടഞ്ഞത്. നാട്ടുകാര്‍ വിവരമറിയിച്ചതന ുസരിച്ച് മതിലകം പൊലിസ് സ്ഥലത്തെത്തി വാഹനം കസ്റ്റഡിയിലെടുത്തു. ഇന്നലെ വൈകുന്നേരം ആറു മണിയോടെ കാളമുറി സെന്ററിന് തെക്ക് ഭാഗത്ത് റുബിയാന്‍ ഹോട്ടലിനു മുന്നിലായിരുന്നു സംഭവം. ഒറ്റപ്പാലത്തു നിന്നും മതിലകത്തെ കശാപ്പു ശാലയിലേക്ക് കൊണ്ടുവന്ന മാടുകളായിരുന്നു ലോറിയിലുണ്ടായിരുന്നത്. ഷ്ടിച്ച് നാലു മാടുകള്‍ക്ക് നില്‍ക്കാവുന്ന വാഹനത്തില്‍ ഏഴു മാടുകളെ കുത്തിനിറച്ചു കൊണ്ടുവരികയായിരുന്നു. വാഹനം ബ്രേക്ക് ഇട്ടതോടെ മാടുകള്‍ മറിഞ്ഞു വീണു. ഇതുകണ്ട നാട്ടുകാര്‍ വാഹനം തടയുകയായിരുന്നു. ഇതോടെ വാഹനം നിര്‍ത്തി ഡ്രൈവറും സഹായിയും മാടുകളെ ഇറക്കി. കൈയ്യും കാലും തമ്മില്‍ കുരുങ്ങിയ മാടുകളുടെ തൊലി ഉരിഞ്ഞു മാംസം വേര്‍പ്പെട്ട അവസ്ഥയിലായിരുന്നു.