കോട്ടയം: ഏറ്റുമാനൂര്‍ സോമദാസന്‍ സ്മാരക ട്രസ്റ്റ് ഏര്‍പ്പെടുത്തിയ പ്രൊഫ.ഏറ്റുമാനൂര്‍ സോമദാസന്‍ പുരസ്‌കാരത്തിന് കവി പുതുശേരി രാമചന്ദ്രന്‍ അര്‍ഹനായി. 25,000 രൂപയും ശില്പവും പ്രശസ്തിപത്രവും അടങ്ങുന്ന പുരസ്‌കാരം 21നു വൈകുന്നേരം മൂന്നിന് പെരുന്ന മലയാള വിദ്യാപീഠാങ്കണത്തില്‍ നടക്കുന്ന ചടങ്ങില്‍ സാഹിത്യ അക്കാദമി അധ്യക്ഷന്‍ വൈശാഖന്‍ സമ്മാനിക്കുമെന്നു ഭാരവാഹികള്‍ പത്രസമ്മേളനത്തില്‍ അറിയിച്ചു. രാവിലെ 9.30ന് ഏറ്റുമാനൂര്‍ സോമദാസന്‍ അനുസ്മരണ സമ്മേളനം ഡോ.പി.സോമന്‍ ഉദ്ഘാടനം ചെയ്യും. ഡോ.ടി.എ സുധാകരക്കുറുപ്പ് അധ്യക്ഷനാകും.