കരുനാഗപ്പള്ളി: ബൈക്ക് മോഷണക്കേസില്‍ യുവാവിനെ ഓച്ചിറ പൊലിസ് അറസ്റ്റ് ചെയ്തു. കൃഷ്ണപുരം കാപ്പില്‍ തട്ടയ്ക്കാട്ട് കിഴക്കതില്‍ ഉണ്ണികുട്ടന്‍ (24) ആണ് പിടിയിലായത്. കഴിഞ്ഞ ഏഴിനായിരുന്നു  കേസിനാസ്പദമായ സംഭവം.
ഓച്ചിറ ഫെഡറല്‍ ബാങ്കിന്റെ എ.ടി.എം കൗണ്ടറിന് സമീപം പാര്‍ക്ക് ചെയ്തിരുന്ന കുലശേഖരപുരം സ്വദേശിയുടെ ഹീറോ  ബെക്കാണ് ഇയാള്‍ മോഷ്ടിച്ചത്. തുടര്‍ന്ന് ഈ മോഷണ ബൈക്കുമായി കറങ്ങുന്നത് ശ്രദ്ധയില്‍പെട്ട നാട്ടുകാര്‍ ഓച്ചിറ പൊലിസില്‍ വിവരം അറിയിക്കുകയും ഇയാളെ കസ്റ്റഡിയിലെടുക്കുകയുമായിരുന്നു. ഓച്ചിറ എസ്.ഐ.വിനോദ് ചന്ദ്രന്റെ നേതൃത്വത്തിലുള്ള പൊലിസ് സംഘമാണ് പ്രതിയെ പിടികൂടിയത്.
നേരത്തെ കഞ്ചാവ് കൈവശം വെച്ചതിന് പൊലിസ് ഇയാളെ പിടികൂടിയിരുന്നു. നിരവധി കേസുകളില്‍ ഇയാള്‍ പ്രതിയാണെന്നും  പൊലിസ് പറഞ്ഞു.  കരുനാഗപ്പള്ളി കോടതിയില്‍ ഹാജരാക്കിയ പ്രതിയെ  റിമാന്‍ഡ് ചെയ്തു.

വീണ്ടും തെരുവുനായ ആക്രമണം;
ആടിനെയും കോഴികളെയും കൊന്നു

കൊട്ടാരക്കര: പൂവറ്റൂരില്‍ തെരുവുനായ്ക്കളുടെ ആക്രമണം.  ആടിനെയും കോഴികളെയും കടിച്ചു കൊന്നു. പശുക്കുട്ടിയ്ക്കും കടിയേറ്റു. ഇന്നലെ രാവിലെ എട്ടോടെയായിരുന്നുസംഭവം. പൂവറ്റൂര്‍ പടിഞ്ഞാറ് സജി വിലാസത്തില്‍ കോമള അമ്മയുടെ വളര്‍ത്തു മൃഗങ്ങള്‍ക്ക് നേരെയായിരുന്നു തെരുവ് നായ്ക്കളുടെ ആക്രമണം.