മലപ്പുറം: ഡെപ്പോസിറ്റ് മെഷീന്‍ ഇന്നലെയും ഭാഗികമായി പണിമുടക്കിയതിനാല്‍ ആളുകള്‍ ബാങ്കില്‍ വരിനിന്നു കുഴങ്ങി. മലപ്പുറം ഫെഡറല്‍ ബാങ്കിന്റെയും തിരൂര്‍, മലപ്പുറം എസ് ബി ഐയുടേയും ഡെപ്പോസിറ്റ് മെഷീനാണ് ഇന്നും ഭാഗികമായി പണിമുടക്കിയത്. എസ്.ബി.ഐ മെഷിന്‍ രാവിലെ പ്രവര്‍ത്തിച്ചിരുന്നെങ്കിലും പണം നിറഞ്ഞതിനാല്‍ പ്രവര്‍ത്തനരഹിതമാകുകയായിരുന്നു.
കഴിഞ്ഞ ദിവസം എസ്.ബി.ഐയുടെ മെഷിന്‍ പ്രവര്‍ത്തിച്ചിരുന്നെങ്കിലും ഫെഡറല്‍ ബാങ്കിന്റെ മെഷിന്‍ അരമണിക്കൂറിനകം പ്രവര്‍ത്തനരഹിതമായി. പിന്നീട് വൈകിട്ടോടെ വീണ്ടും പ്രവര്‍ത്തിച്ചു. ഈ സമയവും പണം നിക്ഷേപിക്കാന്‍ ആളുകളെത്തിയിരുന്നു.