മാവേലിക്കര: പത്ത് പൊതി കഞ്ചാവുമായി യുവാവ് പിടിയില്‍. ഭരണിക്കാവ് കട്ടച്ചിറ തിരുവോണം വീട്ടില്‍ അനന്ദു എസ്. സോമന്‍(20) ആണ് എക്‌സൈസിന്റെ പിടിയിലായത്. കഴിഞ്ഞ ദിവസം രാവിലെ 9 മണിയോടെ കട്ടച്ചിറയിലെ സ്വകാര്യ എ്ന്‍ജിനിയറിങ് കോളജ് പരിസരത്തു നിന്നാണ് പത്ത് പൊതി കഞ്ചാവുമായി ഇയാള്‍ പിടിയിലായത്. വിദ്യാര്‍ഥികള്‍ക്ക് കഞ്ചാവ് എത്തിച്ചു നല്‍കാന്‍ എത്തിയതാണെന്ന് ചോദ്യം ചെയ്യലില്‍ ഇയാള്‍ പറഞ്ഞതായി എക്‌സൈസ് സംഘം അറിയിച്ചു. മാവേലിക്കര എക്‌സൈസ് റേഞ്ച് ഇന്‍സ്‌പെക്ടര്‍ എം.മഹേഷിന് ലഭിച്ച രഹസ്യവിവരത്തെ തുടര്‍ന്നായിരുന്നു പരിശോധന. പരിശോധനയില്‍ സതീശന്‍, അജിത്കുമാര്‍, ഗോപകുമാര്‍, അശ്‌വിന്‍, പ്രവീണ്‍, രാഗേഷ്, വരുണ്‍ എന്നിവര്‍ പങ്കെടുത്തു.