ഗൂഡല്ലൂര്‍: കടുവകളെ സംരക്ഷിക്കുന്നതിന് വേണ്ടി മുതുമല കടുവാസംരക്ഷണ കേന്ദ്രത്തിലെ തൊപ്പക്കാടില്‍ ദേശീയ ടൈഗര്‍ റിസര്‍വിന്റെ നേതൃത്വത്തില്‍ കഴിഞ്ഞ ദിവസം ആരംഭിച്ച പരിശീലനം അവസാനിച്ചു. വനംവകുപ്പ് ജീവനക്കാര്‍ക്കാണ് പരിശീലനം നല്‍കിയിരുന്നത്. പരിശീലനം ഒരാഴ്ചക്കാലം നീണ്ടുനിന്നിരുന്നു.  ഇന്ത്യയുടെ വിവിധ ഭാഗങ്ങളില്‍ വര്‍ഷാവര്‍ഷം പരിശീലനം നടക്കാറുണ്ട്. കഴിഞ്ഞ വര്‍ഷം കര്‍ണാടകയിലെ ബന്ധിപ്പൂരിലായിരുന്നു പരിശീലനം. കര്‍ണാടക, ആന്ധ്ര, കേരളം, രാജസ്ഥാന്‍, ഒഡീഷ, ജാര്‍ഖണ്ഡ് തുടങ്ങിയ ഒമ്പത് സംസ്ഥാനങ്ങളില്‍ നിന്ന് തിരഞ്ഞെടുക്കപ്പെട്ടവര്‍ പരിശീലനത്തില്‍ പങ്കെടുത്തു. ഇന്ത്യയില്‍ 40ല്‍പ്പരം കടുവാസംരക്ഷണ കേന്ദ്രങ്ങളുണ്ട്. പരിപാടിയില്‍ ഹിമാന്ദ് സിങ്, മുതുമല കടുവാസംരക്ഷണ കേന്ദ്രം ഫീല്‍ഡ് ഡയറക്ടര്‍ ശ്രീനിവാസറെഡ്ഡി, ശരവണന്‍ തുടങ്ങിയവര്‍ സംബന്ധിച്ചു.