കൊട്ടാരക്കര: സംസ്ഥാന ലൈബ്രറി കൗണ്‍സിലിന്റെ ഉണര്‍വ് സാംസ്‌കാരിക യാത്രയ്ക്ക് ഇന്ന് കൊട്ടാരക്കരയില്‍ സ്വീകരണം നല്‍കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
സംസ്ഥാന ലൈബ്രറി കൗണ്‍സില്‍ സെക്രട്ടറി പി. അപ്പുക്കുട്ടന്‍ നയിക്കുന്ന ജാഥയ്ക്ക് ഇന്ന് വൈകിട്ട് മൂന്നിന് കൊട്ടാരക്കര മണികണ്ഠന്‍ ആല്‍ത്തറയിലാണ് സ്വീകരണം നല്‍കുക.
താലൂക്ക് ലൈബ്രറി കൗണ്‍സില്‍ പ്രസിഡന്റ് ജെ.സി. അനില്‍ അധ്യക്ഷനാകും. സാംസ്‌കാരിക സംഗമം കവി കുരീപ്പുഴ ശ്രീകുമാര്‍ ഉദ്ഘാടനം ചെയ്യും. കൊടിക്കുന്നില്‍ സുരേഷ് എം.പി, പി. ഐഷാ പോറ്റി എം.എല്‍.എ, മുന്‍ മന്ത്രി ആര്‍. ബാലകൃഷ്ണ പിള്ള, ജില്ലാ പഞ്ചായത്ത് പ്രസിഡന്റ് കെ. ജഗദമ്മ, നഗരസഭാ ചെയര്‍പേഴ്‌സണ്‍ ഗീതാ സുധാകരന്‍, പി.കെ. ഗോപന്‍, ഡി. സുകേശന്‍ എന്നിവര്‍ സംസാരിക്കും.
താലൂക്ക് ലൈബ്രറി കൗണ്‍സില്‍ സെക്രട്ടറി പി.കെ. ജോണ്‍സണ്‍ സ്വാഗതവും സംഘാടക സമിതി ചെയര്‍മാന്‍ എ.എസ്. ഷാജി നന്ദിയും പറയും. സാംസ്‌കാരിക സംഗമത്തിന് മുന്നോടിയായി നാടന്‍ പാട്ടുകളും നാടകവും ഉണ്ടായിരിക്കും.
വാര്‍ത്താ സമ്മേളനത്തില്‍ സംഘാടക സമിതി ചെയര്‍മാന്‍ എ.എസ്. ഷാജി, താലൂക്ക് ലൈബ്രറി കൗണ്‍സില്‍ പ്രസിഡന്റ് ജെ.സി. അനില്‍, സെക്രട്ടറി പി.കെ. ജോണ്‍സണ്‍ എന്നിവര്‍ പങ്കെടുത്തു.