ദോഹ: സ്മരണകളില്ലെങ്കില്‍ രാജ്യത്തിന് നിലനില്‍പ്പില്ലെന്ന് കെ.ഇ.എന്‍. എഫ്.സി.സി സംഘടിപ്പിക്കുന്ന സാംസ്‌കാരിക പണിപ്പുരയില്‍ പങ്കെടുക്കാന്‍ ദോഹയിലെത്തിയ അദ്ദേഹം വാര്‍ത്താ സമ്മേളനത്തില്‍ സംസാരിക്കുകയായിരുന്നു.
സമൂഹം ആരോഗ്യത്തോടെ ജീവിക്കുമ്പോള്‍ ആരും ആഹ്വാനം ചെയ്യാതെ തന്നെ സംവാദങ്ങള്‍ നടക്കുമെങ്കില്‍ അനാരോഗ്യ സമൂഹത്തില്‍ ആഹ്വാനം ചെയ്താല്‍ പോലും സംവാദങ്ങളുണ്ടാവുന്നില്ലെന്നും എല്ലാം വിവാദങ്ങളാവുകയാണെന്നും കെ.ഇ.എന്‍ ചൂണ്ടിക്കാട്ടി.
വാര്‍ത്താസമ്മേളനത്തില്‍ നളിനി ബേക്കല്‍ , പി.പി. അബ്ദുല്‍ റഹ്മാന്‍, ഉണ്ണികൃഷ്ണന്‍ ചടയമംഗലം ജസീം മുഹമ്മദ്, മഞ്ജു മിലന്‍ എന്നിവരും പങ്കെടുത്തു.