ആലപ്പുഴ: കണ്ണാടി സെന്റ് റീത്താസ് പള്ളിയില്‍ വിശുദ്ധ റീത്തയുടെ തിരുശേഷിപ്പ് പ്രതിഷ്ഠ ഇന്ന് നടക്കുമെന്ന് പള്ളി വികാരി ഫാ. ജോസഫ് ആറുപറയില്‍ വാര്‍ത്താസമ്മേളനത്തില്‍ അറിയിച്ചു. ഉച്ചയ്ക്ക് 12നു ചങ്ങനാശേരി അതിരൂപത മെത്രാസന മന്ദിരത്തില്‍ നിന്നും ആര്‍ച്ച് ബിഷപ് മാര്‍ ജോസഫ് പെരുന്തോട്ടത്തില്‍ നിന്നും പള്ളി വികാരി തിരുശേഷിപ്പ് ഏറ്റുവാങ്ങി നിരവധി വാഹനങ്ങളുടെ അകമ്പടിയോടെ 2.30നു പുളിങ്കുന്ന് ഫൊറോന പള്ളിയിലെത്തും.
തുടര്‍ന്ന് അതിരൂപത വികാരി ജനറല്‍ മോണ്‍. ഡോ. ജോസഫ് മുണ്ടകത്തില്‍ സന്ദേശം നല്‍കും. നാലുവരെ തിരുശേഷിപ്പ് വണക്കവും പ്രാര്‍ഥനയും നടക്കും. ഫൊറോന വികാരി ഫാ. മാത്യു ചൂരവടി ശിശ്രൂഷകള്‍ക്കു നേതൃത്വം നല്‍കും. തുടര്‍ന്ന് നാലോടെ തിരുശേഷിപ്പ് വഹിച്ചുകൊണ്ടുള്ള വാഹനറാലി കണ്ണാടി സെന്റ് റീത്താസ് പള്ളിയിലേക്കു നടക്കും.