ഈരാറ്റുപേട്ട: കേരള പ്രവാസി ലീഗിന്റെ കോട്ടയം ജില്ലാ കമ്മിറ്റി സംഘടിപ്പിക്കുന്ന പ്രവാസി കൂട്ടായ്മയും പ്രവാസി മീറ്റും ഇന്ന് നടക്കല്‍ ബറക്കാത്ത് മഹല്‍ ഓഡിറ്റോറിയത്തില്‍ വൈകുന്നേരം നാലിനു നടക്കും. പ്രവാസി ലീഗ് ജില്ലാ പ്രസിഡന്റ് ഇബ്രാഹിം വലിയ വീട്ടില്‍ അധ്യക്ഷത വഹിക്കും.
മുസ്‌ലിം ലീഗ് ജില്ലാ പ്രസിഡന്റ് ഹാജി പി.എം ഷരീഫ് യോഗം ഉദ്ഘാടനം നിര്‍വഹിക്കും. പ്രവാസി ലീഗ് സംസ്ഥാന വൈസ് പ്രസിഡന്റ് പീ.എം.കെ കാഞ്ഞിയൂര്‍ ആമുഖ പ്രഭാഷണം നടത്തും.
സംസ്ഥാന പ്രസിഡന്റ് എസ്.വി അബ്ദുള്ള മുഖ്യപ്രഭാഷണം നിര്‍വഹിക്കും. ചികിത്സാ സഹായ വിതരണം സംസ്ഥാന ജന:സെക്രട്ടറി ഹനീഫാ മുന്നിയൂര്‍ നിര്‍വഹിക്കും. ആദ്യകാല പ്രവാസികളെ മുസ്‌ലിം ലീഗ് ജില്ലാ ജനറല്‍ സെക്രട്ടറി അസീസ് ബഡായില്‍ നിര്‍വഹിക്കും. സംസ്ഥാന സെക്രട്ടറി എന്‍.എം ഷരീഫ്, പ്രമുഖ പ്രവാസി വിവസായികളെ ആദരിക്കും.
ചടങ്ങില്‍ ആശംസകളര്‍പ്പിച്ച് കൊണ്ട് കെ.സി അഹമ്മദ്, പി.എം സലിം ഹാജി, കെ.എ മുഹമ്മദ് അഷ്‌റഫ്, എം.പി സലീം,വി.എം സിറാജ്,വി.പി മജീദ്, വി.എച്ച് നാസര്‍, കെ.എ മാഹിന്‍, ഷബീര്‍ ഷാജഹാന്‍, അസീസ് കുമാരനെല്ലൂര്‍, അയിഷാ ബീവി ടീച്ചര്‍, ഷെരീഫ് കുന്നറാം കുന്നേല്‍, ബഷീര്‍ വലിയ വീട്ടില്‍, ഷാഹുല്‍ ഹമീദ് മൗലവി തുടങ്ങിയവര്‍ സംസാരിക്കും. ജില്ലാ സെക്രട്ടറി അനി വെട്ടിക്കല്‍ സ്വാഗതവും പി. എച്ച് ഇസ്മാഈല്‍ കൃതജ്ഞതയും പറയും.