ബാഗ്ദാദ്: ഇറാഖില്‍ വിവാഹാഘോഷത്തിനിടെ ചാവേറാക്രമണം. ആക്രമണത്തില്‍ 16 പേര്‍ കൊല്ലപ്പെടുകയും 35ലധികം പേര്‍ക്ക് പരുക്കേല്‍ക്കുകയും ചെയ്തു. ചാവേറുകള്‍ കാര്‍ ബോംബ് സ്‌ഫോടനമാണ് നടത്തിയത്. ആക്രമണത്തിന്റെ ഉത്തരാവദിത്തം ഐ.എസ് ഏറ്റെടുത്തു. സുന്നി മുസ്‌ലിം നേതാക്കളെ ലക്ഷ്യം വച്ചായിരുന്നു ആക്രമണമെന്ന് ഐ.എസ് വ്യക്തമാക്കി.

അമ്രിയത്ത് അല്‍ ഫലൂജയിലായിരുന്നു സംഭവം.
അടുത്തിടെ ഫല്ലൂജയില്‍ ഐഎസ് നടത്തുന്ന രണ്ടാമത്തെ ആക്രമണമാണിത്. തിങ്കളാഴ്ചയുണ്ടായ ഇരട്ട ചാവേര്‍ സ്‌ഫോടനത്തില്‍ 6 പേര്‍ കൊല്ലപ്പെട്ടിരുന്നു. ഒരു മാസത്തോളം നീണ്ടുനിന്ന പോരാട്ടത്തിനൊടുവില്‍ ജൂണില്‍ ഫല്ലൂജ നഗരത്തെ ഐഎസില്‍ നിന്ന് ഇറാഖി സൈന്യം മോചിപ്പിച്ചിരുന്നു.