വേങ്ങര : ദേശീയപാത കൊളപ്പുറത്ത് രണ്ട് ഇന്നോവ കാറുകളും സ്‌കൂട്ടിയും കൂട്ടിയിടിച്ച് ദമ്പതികള്‍ക്ക് ഗുരുതര പരുക്ക്. എ.ആര്‍ നഗര്‍ കുറ്റൂര്‍ സ്വദേശി സുബ്രമണ്യന്‍ (45), ലീന (36) എന്നിവര്‍ക്കാണു പരുക്ക്.
ഇന്നലെ വൈകിട്ട നാലരയോടെയാണ് അപകടം. കൊളപ്പുറം കാര്‍ വര്‍ക്ക് ഷോപ്പില്‍ നിന്ന് ടെസ്റ്റ് ഡ്രൈവ് നടത്തുന്ന ഇന്നോവ കാര്‍ നിയന്ത്രണം വിട്ട് കണ്ണൂരിലേക്കു പോവുന്ന മറ്റൊരു ഇന്നോവയില്‍ ഇടിക്കുകയായിരുന്നു. ഇടിയുടെ ആഘാതത്തില്‍ ഇന്നോവയുടെ ടയര്‍ ഊരിത്തെറിച്ച് എതിര്‍ദിശയില്‍ വന്ന സ്‌കൂട്ടറില്‍ ഇടിച്ചതിനെ തുടര്‍ന്ന് നിയന്ത്രണം വിടുകയായിരുന്നു.
സാരമായി പരുക്കേറ്റ സ്‌കൂട്ടര്‍ യാത്രികരായ ദമ്പതിമാരെ തിരൂരങ്ങാടിലെ സ്വകാര്യ ആശുപത്രിയില്‍ പ്രവേശിപ്പിച്ചു.