പിടിയിലായികളമശ്ശേരി: ബൈക്കുകള്‍ മോഷ്ടിച്ച ശേഷം വ്യാജ രേഖകളുണ്ടാക്കി വില്‍പന നടത്തിവന്ന മൂന്നംഗ സംഘം പിടിയിലായി.
കാലടി കാണിക്കമംഗലം വടക്കിനി മാരാത്ത് കൃഷ്ണദാസ് (50), കൂത്താട്ടുകുളം കിടകൊമ്പ് മതിലകത്തില്‍ എബിന്‍ (26), കൂത്താട്ടുകുളം കിഴകൊമ്പ് വാഴയില്‍ വീട്ടില്‍ ചന്ദ്ര ബോസ് (24) എന്നിവരെയാണു കളമശ്ശേരി പൊലിസ് അറസ്റ്റ് ചെയ്തത്.
കളമശ്ശേരിയില്‍ നിന്നും മോഷണം പോയ ബുള്ളറ്റിനെ കുറിച്ച് നടത്തിയ അന്വേഷണത്തിലാണു പ്രതികള്‍ പിടിയിലായത്. ബുള്ളറ്റ് മോഷ്ടിച്ച ശേഷം വ്യാജ ആര്‍.സി ബുക്ക് ഉണ്ടാക്കി വില്‍പന നടത്തുകയായിരുന്നു.
ഇതേ നമ്പറില്‍ തൃശൂരില്‍ മറ്റൊരു വാഹനമുള്ളതായി അന്വേഷണത്തില്‍ പൊലിസ് കണ്ടെത്തി.
കളമശ്ശേരി എസ്.ഐ ഇ.വി ഷിബു, എ.എസ്.ഐമാരായ ശെല്‍വരാജ്, ജോണ്‍ എന്നിവരാണ് അന്വേഷണ സംഘത്തിലുണ്ടായിരുന്നത്. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.