മലപ്പുറം: കാലിക്കറ്റ് സര്‍വകലാശാലയില്‍ നിന്നും അറബിക് സാഹിത്യത്തില്‍ ടി.മുലൈക്കത്തിന് ഡോക്ടറേറ്റ് ലഭിച്ചു. 'ഖുര്‍ആനിലെ കഥകളും ആധുനിക അറബി സാഹിത്യത്തില്‍ അവയുടെ സ്വാധീനവും' എന്ന വിഷയത്തില്‍ സര്‍വകലാശാല അറബിക് വകുപ്പ് മുന്‍ മേധാവി ഡോ. എന്‍.എ.എം അബ്ദുല്‍ ഖാദറിന് കീഴില്‍ നടത്തിയ ഗവേഷണത്തിനാണ് ഡോക്ടറേറ്റ് ലഭിച്ചത്. കൊളപ്പുറം ഇരുമ്പുചോലയിലെ തെങ്ങിലാന്‍ മുഹമ്മദ്കുട്ടി മുസ്‌ലിയാരുടെയും പി.പി സൈനബയുടെയും മകളാണ്. ഫാറൂഖ് കോളജ് അറബിക് ഗവേഷണ വിഭാഗം തലവന്‍ ഡോ. അലി നൗഫലാണ് ഭര്‍ത്താവ്. നബീല്‍ അഹമ്മദ്, നാസിഫ് മുഹമ്മദ്, നുഹ മര്‍യം എന്നിവര്‍ മക്കളാണ്.