പൂച്ചാക്കല്‍:അപകടത്തില്‍പ്പെട്ട ബൈക്കില്‍ നിന്നും കഞ്ചാവ് കണ്ടെടുത്തു.പരിക്കുകളോടെ ബൈക്ക് യാത്രികര്‍ ആശുപത്രിയില്‍.
അരൂക്കുറ്റി പുത്തൂര്‍ പാലത്തിന് സമീപം ഓട്ടോറിക്ഷയും ബൈക്കും തമ്മില്‍ കൂട്ടിയിടിച്ചാണ് വെള്ളിയാഴ്ച രാത്രി അപകടമുണ്ടായത്.
അപകടത്തെ തുടര്‍ന്ന് നാട്ടുകാര്‍ പരിക്കുകളോടെ ബൈക്ക് യാത്രക്കാരായ അരൂര്‍ വേലിക്കകത്ത് വീട്ടില്‍ എബിന്‍,ബാബു എന്നിവരെ അരൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
പൂച്ചാക്കല്‍ പോലീസ് സംഭവ സ്ഥലത്തെത്തി അപകടത്തില്‍പ്പെട്ട കെ.എല്‍.41.32 ഇ.8934 നമ്പര്‍ ബൈക്ക് പരിശോധിച്ചപ്പോഴാണ് പെട്രോള്‍ ടാങ്ക് കവറില്‍ നിന്നും 11.2 ഗ്രാം കഞ്ചാവ് അടക്കം ചെയ്ത പൊതി കണ്ടെത്തിയത്.
ഇതേ തുടര്‍ന്ന് ബൈക്ക് യാത്രക്കാരായ ഇരുവര്‍ക്കുമെതിരെ പോലീസ് കേസെടുത്തു