മണ്ണഞ്ചേരി: വീട്ടുമുറ്റത്ത് കളിച്ചു കൊണ്ടിരുന്ന നാലുവയസുകാരനെ തെരുവ് നായ ആക്രമിച്ചു. മണ്ണഞ്ചേരി എട്ടാം വാര്‍ഡ് മാളിയേക്കല്‍ ജെയിംസിന്റെ മകന്‍ നിമിഷിനാണ് കടിയേറ്റത്.
മുഖത്തും മുതുകിനും കാലിനും പട്ടിയുടെ കടിയേറ്റു. ശനിയാഴ്ച്ച വൈകുന്നേരം അഞ്ചരയോടെയായിരുന്നു സംഭവം.
കുട്ടിയുടെ കരച്ചില്‍ കേട്ട് ഓടിക്കൂടിയ അയല്‍വാസികളാണ് പട്ടിയെ ഓടിച്ചത്. ചെട്ടികാട് സാമൂഹികാരോഗ്യകേന്ദ്രത്തിലും പിന്നീട് ആലപ്പുഴ ജനറല്‍ ആശുപത്രിയിലും എത്തിച്ചു.