തിരൂര്‍: വാഗണ്‍ ട്രാജഡിയുടെ 95ാം വാര്‍ഷികത്തില്‍ എസ്.കെ.എസ്.എസ്.എഫ് ജില്ലാ കമ്മിറ്റിയും കോരങ്ങത്ത് നുസ്‌റത്തുല്‍ മുസ്‌ലിമീന്‍ യുവജനസംഘവും സംയുക്തമായി സംഘടിപ്പിക്കുന്ന ദേശാഭിമാന സമ്മേളനം ഇന്നു തിരൂര്‍ കോരങ്ങത്തെ സാംസ്‌കാരിക സമുച്ചയത്തില്‍ നടക്കും. വൈകിട്ട് നാലിനു കോരങ്ങത്ത് വാഗണ്‍ട്രാജഡി മഖാമില്‍ കൂട്ടസിയാറത്തോടെയാണ് സമ്മേളനത്തിന് തുടക്കമാകുക.
വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ഉമറലി തങ്ങള്‍ മണ്ണാരക്കല്‍ അധ്യക്ഷനാകും. റഹ്മത്തുള്ളാഹ് ഖാസിമി മൂത്തേടം, ഹൈദരലി വാഫി ഇരിങ്ങാട്ടിരി എന്നിവര്‍ പ്രഭാഷണം നടത്തും. സമസ്ത മുശാവറ അംഗം എ. മരക്കാര്‍ ഫൈസി പ്രാര്‍ഥന നിര്‍വഹിക്കും. അത്തിപ്പറ്റ മൊയ്തീന്‍കുട്ടി മുസ്‌ലിയാര്‍, സയ്യിദ് ബാപ്പുട്ടി തങ്ങള്‍ വരമ്പാല എന്നിവര്‍ സിയാറത്തിനു നേതൃത്വം നല്‍കും.