ന്യൂഡല്‍ഹി: കേന്ദ്ര സര്‍ക്കാര്‍ പുറത്തിറക്കിയ പുതിയ 2000 രൂപ നോട്ടില്‍ ഇത്തവണ ഇന്ത്യയുടെ ചൊവ്വാ ദൗത്യമായ മംഗള്‍യാന്റെ ചിത്രമാണ് നല്‍കിയിരിക്കുന്നത്. എന്നാല്‍ നോട്ടില്‍ മാത്രമല്ല ഇത്തവണത്തെ നാഷണല്‍ ജോഗ്രഫിക് മാഗസിനിലും മംഗള്‍യാനാണ് താരം.

മംഗള്‍യാന്‍ പകര്‍ത്തിയ ചൊവ്വാ ഗ്രഹത്തന്റെ ചിത്രമാണ് ഇത്തവണ മാഗസിന്റെ മുഖചിത്രമായിരിക്കുന്നത്. മുമ്പും 50ല്‍ അധികം ചൊവ്വാ ദൗത്യങ്ങള്‍ നടത്തിയിട്ടുണ്ടെങ്കിലും മംഗള്‍യാന് ലഭിച്ചപോലെ വ്യക്തതയാര്‍ന്ന ചിത്രങ്ങള്‍ ആര്‍ക്കും ലഭിച്ചിരുന്നില്ല.

2014 സെപ്തംബര്‍ 24ന് ഇന്ത്യ വിജയകരമായി വിക്ഷേപിച്ച മംഗള്‍യാന്‍ ദൗത്യത്തിന്റെ ചെലവ് 450 കോടി മാത്രമായിരുന്നു.