കോതമംഗലം: വനം വകുപ്പിന്റെ തലക്കോട് മുള്ളരിങ്ങാട് റേഞ്ച് ഓഫിസിലേക്ക് ഇന്ന് രാവിലെ 10.30 ന് ബഹുജന മാര്‍ച്ചും ധര്‍ണയും നടക്കും. വനം വകുപ്പ് അധികൃതരുടെ ജനദ്രോഹപരമായ നടപടികളില്‍ പ്രതിഷേധിച്ചാണ് സര്‍വ്വകക്ഷി ആക്ഷന്‍ കൗണ്‍സിലിന്റെ നേതൃത്വത്തില്‍ മാര്‍ച്ചും ധര്‍ണയും സംഘടിപ്പിച്ചിട്ടുള്ളത്.കഴിഞ്ഞ ദിവസം തലക്കോട് ഫോറസ്റ്റ് ജങ്ഷനില്‍ മുള്ളരിങ്ങാട് റേഞ്ച് അധികൃതര്‍ റോഡിന് കുറുകെ ട്രഞ്ച് താഴ്ത്തി ഗതാഗതം തടസ്സപ്പെടുത്തിയത് നാട്ടുകാരുടെ വന്‍ പ്രതിഷേധത്തിന് ഇടയാക്കിയിരുന്നു.