ഇന്‍ഡോര്‍: കാണ്‍പൂരില്‍ അപകടത്തില്‍പെട്ട ട്രെയിനിന്റെ ഒരു കോച്ചിന് അസ്വാഭാവികമായ ശബ്ദമുണ്ടായിരുന്നുവെന്ന് രക്ഷപ്പെട്ട ഒരു യാത്രക്കാരന്റെ വെളിപ്പെടുത്തല്‍.
സാധാരണ നിലയിലല്ലാത്ത ശബ്ദം കേട്ട ഉടനെ ട്രെയിന്‍ അധികൃതരെ താന്‍ വിവരമറിയിച്ചിരുന്നുവെന്നും എന്നാല്‍ അവര്‍ ഇത് ഗൗരവത്തിലെടുത്തില്ലെന്നും മധ്യപ്രദേശ് സ്വദേശിയായ പ്രകാശ് ശര്‍മ പറഞ്ഞു. സ്ലീപ്പര്‍ കോച്ചായ എസ്-2 വിലായിരുന്നു താന്‍. ഏതാണ്ട് പുലര്‍ച്ചെ രണ്ടുമണിയായപ്പോഴാണ് അസ്വാഭാവികമായ ശബ്ദം കേട്ടത്. റെയില്‍വേ യൂനിഫോമിട്ട ഉദ്യോഗസഥനോട് ശബ്ദത്തെക്കുറിച്ച് താന്‍ സംസാരിച്ചിരുന്നു. എന്നാല്‍ അദ്ദേഹം ഇത് അത്രഗൗരവത്തോടെയെടുത്തില്ലെന്നും ഇയാള്‍ പറഞ്ഞു.