മൂവാറ്റുപുഴ: ഡിസംബര്‍ 19ന് മൂവാറ്റുപുഴയില്‍ നടക്കുന്ന സാഗര്‍ ഷിയാസിന്റെ കുടുംബത്തെ സഹായിക്കുന്നതിനായി സാഗര്‍ ഷിയാസ് ചാരിറ്റി താരസംഗമത്തിന്റെ ടിക്കറ്റ് വില്‍പ്പന ആരംഭിച്ചു. സിനിമാതാരം ഗോവിന്ദ് പത്മസൂര്യ മാസ്റ്റര്‍ പോളിനും കുമാരി അന്നയ്ക്കും ആദ്യടിക്കറ്റ് നല്‍കി ഉദ്ഘാടനം നിര്‍വഹിച്ചു. ഇതോടനുബന്ധിച്ച് നടന്ന പൊതുസമ്മേളനം എല്‍ദോ എബ്രഹാം എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍പേഴ്‌സണ്‍ ഉഷ ശശീധരന്‍, നഗരസഭാ സ്റ്റാന്റിംഗ് കമ്മിറ്റി ചെയര്‍മാന്‍ എം.എ.സഹീര്‍, ഒരുമ ചാരിറ്റബിള്‍ പ്രസിഡന്റ് പി.വൈ നൂറുദ്ധീന്‍,ജനറല്‍ സെക്രട്ടറി റഫീക്ക് പൂക്കടശ്ശേരി, ജനറല്‍കണ്‍വീനര്‍ പി.എ ഷാജഹാന്‍,ട്രഷറര്‍ അബ്ദുല്‍ കരീം, ഫഹദ്.ബിന്‍.ഇസ്മായില്‍, റിഷാദ് തോപ്പികുടിയില്‍, അഷറഫ് കലാഭവന്‍, സുബൈര്‍ കുറ്റിയില്‍ പി.എം.സബി എന്നിവര്‍ പ്രസംഗിച്ചു.