ആലപ്പുഴ: കട്ടച്ചിറ വെള്ളാപ്പള്ളി നടേശന്‍ എഞ്ചിനിയറിങ്ങ് കോളേജില്‍ ഫീസ് വര്‍ദ്ധനവുമായി ബന്ധപ്പെട്ട് വിദ്യാര്‍ത്ഥികള്‍ നടത്തിയ പ്രതിഷേധത്തിനെതിരെ മാനേജ്‌മെന്റ് വിദ്യാര്‍ത്ഥികളെ ഇരുട്ടുമുറിയിലിട്ട് മര്‍ദ്ദിക്കുകയും മുസ്‌ലിം വിദ്യാര്‍ത്ഥികളെ വെള്ളിയാഴ്ച്ച ജുമഅ നമസ്‌കാരത്തിന് പള്ളിയില്‍ പോകുവാനായി സമയം അനുവദിക്കാതിരിക്കുകയും ചെയുന്ന നടപടിയില്‍ പ്രധിഷേധിച്ചാണ് മാര്‍ച്ച് സംഘടിപ്പിക്കുന്നത്. വിഷയത്തില്‍ കായംകുളം നിയോജക മണ്ഡലം കമ്മറ്റി നിരന്തരം മാനേജുമെന്റുമായി സംസാരിച്ചിട്ടും യാതൊരുവിധ നടപടിയും സ്വീകരിക്കാത്ത കാടത്തത്തിനെതിരെ ഇന്ന് രാവിലെ 10 മണിക്ക് എം.എസ്.എഫ് ആലപ്പുഴ ജില്ലാ കമ്മറ്റിയുടെ ആഭിമുഖ്യത്തില്‍ വമ്പിച്ച പ്രതിഷേധ മാര്‍ച്ച് സംഘടിപ്പിക്കുന്നത്.മാര്‍ച്ച് എം.എസ്.എഫ് സംസ്ഥാന പ്രസിഡന്റ് മിസ്ഹബ് കിഴരിയൂര്‍ ഉദ്ഘാടനം ചെയ്യുമെന്ന് എം.എസ്.എഫ് ജില്ലാ പ്രസിഡന്റ് അല്‍ത്താഫ് സുബൈറും ജനറല്‍ സെക്രട്ടറി സദ്ദാം ഹരിപ്പാടും അറിയിച്ചു.