കാട്ടാക്കട: പൂവച്ചല്‍ സര്‍ക്കാര്‍ വൊക്കേഷണല്‍ ഹയര്‍ സെക്കന്ററി സ്‌കൂളിലെ നാഷണല്‍ സര്‍വീസ് സ്‌കീം യൂനിറ്റിന്റെയും മറ്റു ക്ലബുകളുടെയും തിരുവനന്തപുരം ജനറല്‍ ആശുപത്രിയിലെ രക്ത ബാങ്കിന്റെയും സംയുക്താഭിമുഖ്യത്തില്‍ രക്ത ദാന ക്യാംപ് നടത്തി. ഓരോ വിദ്യാര്‍ഥിയും രക്തദാനത്തിന് ഒരു ദാതാവിനെ കൊണ്ട് വരുകയും അവരോടപ്പം ഒരു സെല്‍ഫി എടുക്കുകയും ചെയ്തു. നൂറോളം രക്തദാതാക്കള്‍ രജിസ്റ്റര്‍ ചെയ്തു.
പി.ടി. എ പ്രസിഡന്റ് പൂവച്ചല്‍ സുധീര്‍ അധ്യക്ഷനായി. വീരണകാവ് പ്രാഥമിക ആരോഗ്യ കേന്ദ്രം മെഡിക്കല്‍ ഓഫിസര്‍ ഡോ: ഡി.നെല്‍സണ്‍ ഉദ്ഘാടനം ചെയ്തു. പ്രിന്‍സിപ്പാള്‍മാരായ സീമ സേവ്യര്‍, ആര്‍.ബിന്ദു, ഹെഡ്മിസ്ട്രസ് പ്രമീള.ഡി, കോര്‍ഡിനേറ്റര്‍ സമീര്‍ സിദ്ദീഖി. പി, അനില്‍ കുമാര്‍ സി.വി, ശ്രീകാന്ത്, സന്ധ്യ, വിനോദ് മുണ്ടേല, സീമ പി.എസ് തുടങ്ങിയവര്‍ നേത്യത്വം നല്‍കി.