ഇരിങ്ങാലക്കുട: ഇരിങ്ങാലക്കുടയില്‍ ഡിസംബര്‍ 17, 18, 19 തിയതികളില്‍ നടക്കുന്ന തൃശൂര്‍ ജില്ലാ പഞ്ചായത്ത് കേരളോത്സവത്തിന്റെ സംഘാടക സമിതി രൂപീകരിച്ചു. ഇരിങ്ങാലക്കുട മുന്‍സിപ്പല്‍ ടൗണ്‍ ഹാളില്‍ നടന്ന സംഘാടകസമിതി യോഗം പ്രൊഫ. കെ.യു അരുണന്‍ എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ അധ്യക്ഷയായി. ഇ.ടി.ടൈസണ്‍ മാസ്റ്റര്‍ എം.എല്‍.എ ഇരിങ്ങാലക്കുട മുന്‍സിപ്പല്‍ ചെയര്‍പേഴ്‌സണ്‍ നിമ്മ്യ ഷിജു എന്നിവര്‍ മുഖ്യാതിഥികളായിരുന്നു.
ജില്ലാ പഞ്ചായത്ത് സ്റ്റാന്റിങ് കമ്മിറ്റി ചെയര്‍പേഴ്‌സണ്‍മാരായ ജെന്നി ജോസഫ് (വികസനം), മഞ്ജുള അരുണന്‍ (ആരോഗ്യ-വിദ്യാഭ്യാസം), പത്മിനി ടീച്ചര്‍ (ക്ഷേമം), പൊതുമരാമത്ത് സ്റ്റാന്റിങ് കമ്മിറ്റി ചെയര്‍മാന്‍ കെ.ജെ.ഡിക്‌സണ്‍, ബ്ലോക്ക് പഞ്ചായത്ത് പ്രസിഡന്റമാരായ വി.എ.മനോജ് കുമാര്‍ (ഇരിങ്ങാലക്കുട), ഷാജി അക്കര (വെളളാങ്ങല്ലൂര്‍), അഡ്വ. നിര്‍മ്മല്‍ സി.പത്താടന്‍ (ജില്ലാ പഞ്ചായത്ത് അംഗം) എന്നിവര്‍ സംസാരിച്ചു. കേരളോത്സവ കാര്യപരിപാടി വിശദീകരണം ജില്ലാ യൂത്ത് പ്രോഗ്രാം ഓഫീസര്‍ ബി. ഷീജ നടത്തി. വിവിധ കമ്മിറ്റികളുടെ തെരഞ്ഞെടുപ്പ് ജില്ലാ പഞ്ചായത്ത് അംഗം എന്‍.കെ ഉദയപ്രകാശ് നിര്‍വ്വഹിച്ചു.
ജില്ലാ പഞ്ചായത്ത് വൈസ് പ്രസിഡന്റ് കെ.പി.രാധാകൃഷ്ണന്‍ സ്വാഗതവും ജില്ലാ പഞ്ചായത്ത് അംഗം ടി.ജി.ശങ്കരനാരായണന്‍ നന്ദിയും പറഞ്ഞു.
ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ (ചെയര്‍മാന്‍), സെക്രട്ടറി എന്‍.എസ്.സുധരൂപന്‍ (ജനറല്‍ കണ്‍വീനര്‍), എന്‍.കെ.ഉദയപ്രകാശ് (കലാവിഭാഗം ചെയര്‍മാന്‍), വിദ്യാഭ്യാസ ഉപഡയറക്ടര്‍ കെ.സുമതി (കലാവിഭാഗം കണ്‍വീനര്‍), ടി.ജി.ശങ്കരനാരായണന്‍ (കായിക വിഭാഗം ചെയര്‍മാന്‍), സ്‌പോര്‍ട്‌സ് കൗണ്‍സില്‍ സെക്രട്ടറി (കായികവിഭാഗം കണ്‍വീനര്‍), ജില്ലാ യൂത്ത് പ്രോഗ്രാം ഓഫീസര്‍ (ജോയിന്റ് കണ്‍വീനര്‍) എന്നിവരെ ഭാരവാഹികളായി തെരഞ്ഞെടുത്തു.