മഞ്ചേരി: 50 പാക്കറ്റ് കഞ്ചാവുമായി യുവാവ് മഞ്ചേരി പൊലിസ് പിടിയിലായി. കൊണ്ടോട്ടി വാലഞ്ചേരി മൊറയൂര്‍ സ്വദേശി കാവോട്ടില്‍ നവാസാ (26)ണ് ഇന്നലെ പൊലിസ് പിടിയിലായത്. വില്‍പനക്കായി കൊണ്ടുവന്ന 50പാക്കറ്റു കഞ്ചാവു സഹിതം മഞ്ചേരി ബോയ്‌സ് സ്‌കൂള്‍ പരിസരത്തുവച്ചാണിയാള്‍ പിടിയിലായത്. വിദ്യാര്‍ഥികള്‍ ഉള്‍പ്പെടെയുള്ളവര്‍ക്കാണ് കഞ്ചാവു വില്‍പന നടത്തിയിരുന്നതെന്ന് പൊലിസ് പറഞ്ഞു.പ്രതിയെ കൂടുതല്‍ ചോദ്യം ചെയ്തതില്‍ നിന്നും മഞ്ചേരിയിലും പരിസരത്തുമുള്ള ചില്ലറ വില്‍പനക്കാരെകുറിച്ചും വിവരം ലഭിച്ചിട്ടുണ്ട്.
കഞ്ചാവ് മാഫിയയുടെ വലയില്‍ കുരുങ്ങി കഞ്ചാവ് ഉപയോഗിക്കുന്ന വിദ്യാര്‍ഥികളും ധാരാളമുണ്ട്. മഞ്ചേരി സി.ഐ ബിജുവിനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ മഞ്ചേരി എസ്.ഐ കൈലാസ്‌നാഥും ക്രൈം സ്‌ക്വാഡും ചേര്‍ന്നാണ് പ്രതിയെ പിടികൂടിയത്.