നെടുമ്പാശ്ശേരി: ഓടിക്കൊണ്ടിരുന്ന കാറിന് തീപിടിച്ചത് പരിഭ്രാന്തി പരത്തി. ഇന്നലെ രാത്രി ഏഴ് മണിയോടെ ആലുവ പറവൂര്‍ റോഡില്‍ കരുമാല്ലൂരിലായിരുന്നു അപകടം. ഡ്രൈവറടക്കം നാല് യാത്രക്കാര്‍ തലനാരിഴയ്ക്കാണ് രക്ഷപ്പെട്ടത്. നെടുമ്പാശേരിയില്‍ നിന്നും പറവൂരിലേക്ക് പോവുകയായിരുന്ന കാര്‍ കരുമാല്ലൂര്‍ പാടശേഖരത്തിന് സമീപത്ത് എത്തിയപ്പോള്‍ പെട്ടെന്ന് തീ പിടിക്കുകയായിരുന്നു.
കാറില്‍ നിന്നും പുക ഉയരുന്നത് ശ്രദ്ധയില്‍പെട്ടതോടെ കാര്‍ നിര്‍ത്തി ഡ്രൈവറും യാത്രക്കാരും പെട്ടെന്ന് പുറത്തിറങ്ങിയതിനാലാണ് വന്‍ ദുരന്തം ഒഴിവായത്.