ഹൈദരാബാദ്:തെലങ്കാനയില്‍ റിയാലിറ്റി ഷോ പരീക്ഷണം നടത്തുന്നതിനിടെ 13 കാരന്‍ മരിച്ചു. എട്ടാം ക്ലാസ് വിദ്യാര്‍ഥി ധനുഷാണ് മരിച്ചത്. ടെലിവിഷനിലും യുട്യൂബിലും കണ്ട രംഗമാണ് പരീക്ഷണ വിധേയമാക്കിയത്. മണ്ണെണ്ണ വായില്‍ ഒഴിച്ച് പുറത്തേക്ക് തുപ്പി തീയിടുന്ന രംഗമായിരുന്നു അനുകരിച്ചത്.
ധനുഷ് വായില്‍ മണ്ണെണ്ണ ഒഴിക്കുകയും സുഹൃത്ത് തീ കൊടുക്കുകയുമായിരുന്നു. പുറത്തേക്ക് മണ്ണെണ്ണ ചീറ്റുന്നതിനിടെ മുഖത്തും പൊള്ളലേറ്റു. അലറി വിളിച്ചതോടെ രക്ഷിതാക്കള്‍ ഓടിയെത്തി തീ കെടുത്തി ആശുപത്രിയിലാക്കി. ജീവന്‍ രക്ഷിക്കാനായില്ല. തെലങ്കാനയിലെ കരിം നഗറിലാണ് സംഭവം.