കണ്ണൂര്‍: സംസ്ഥാനത്തെ മാതൃകാപരമായ തെരഞ്ഞെടുപ്പാണ് ജില്ലയില്‍ നടന്നതെന്ന് കലക്ടര്‍ പി ബാലകിരണ്‍. ഇതു മാതൃകയാക്കി ഭാവിയിലും ഉപയോഗപ്പെടണമെന്നും അദ്ദേഹം നിര്‍ദേശിച്ചു.
ജില്ലയില്‍ നിയമസഭാ തെരഞ്ഞെടുപ്പ് നടപടിക്രമങ്ങള്‍ പൂര്‍ത്തിയായതിന്റെ ഭാഗമായി നടന്ന അവലോകന യോഗത്തില്‍ സംസാരിക്കുകയായിരുന്നു അദ്ദേഹം.
വിവിധ മണ്ഡലങ്ങളിലെ റിട്ടേണിങ് ഓഫിസര്‍മാര്‍, അസി. ഓഫിസര്‍മാര്‍, ഇ.ആര്‍.ഒമാര്‍, വിവിധ നോഡല്‍ ഓഫിസര്‍മാര്‍, തെരഞ്ഞെടുപ്പ് വിഭാഗം ഉദ്യോഗസ്ഥര്‍, സബ്കലക്ടര്‍ നവ്‌ജ്യോത് ഖോസ, അസി.കലക്ടര്‍ ചന്ദ്രശേഖര്‍, എ.ഡി.എം. എച്ച് ദിനേശന്‍, ഇലക്ഷന്‍ ഡെപ്യൂട്ടി കലക്ടര്‍ സി സജീവ് സംബന്ധിച്ചു.