തൃശൂര്‍: വധശ്രമക്കേസിലെ പ്രതി അറസ്റ്റില്‍. മൂര്‍ക്കനാട് ചമയത്ത് വീട്ടില്‍ റഷീദ് (30) ആണ് അറസ്റ്റിലായത്. അരമനബാര്‍ മാനേജര്‍ വിദ്യാധരനെ വധിക്കാന്‍ ശ്രമിച്ച കേസിലാണ് അറസ്റ്റ്.
പൊലിസിനെ കബളിപ്പിച്ച് മൊബൈല്‍ ഫോണ്‍ പോലും ഉപയോഗിക്കാതെ ഒളിവില്‍ കഴിയുകയായിരുന്നു ഇയാള്‍. ഈസ്റ്റ് പൊലിസ് സ്റ്റേഷനില്‍ രജിസ്റ്റര്‍ ചെയ്ത കേസിലാണ് പിടിയിലായത്. ഇന്നലെ രാവിലെ ഏഴരയോടെ തൃശൂര്‍ കെ.എസ്.ആര്‍.ടി.സി പരിസരത്ത് വച്ചാണ് ഇയാളെ അറസ്റ്റ് ചെയ്തത്.
ഈസ്റ്റ് എസ്.ഐ പി.ലാല്‍കുമാര്‍, എസ്.ഐ അജിത്ത്, സി.പി.ഒ ജോഷി, സിബു, മുഹമ്മദ് സുഫീര്‍, ഷിനു എന്നിവരടങ്ങിയ സംഘമാണ് പിടികൂടിയത്.