പാഴൂര്‍: ദാറുല്‍ ഖുര്‍ആന്‍ ഇസ്‌ലാമിക് അക്കാദമിയുടെ ആഭിമുഖ്യത്തില്‍ 30ന് നടക്കുന്ന നബിദിന റാലിയുടെയും സമ്മേളനത്തിന്റെയും സ്വാഗതസംഘം ഓഫിസ് കോഴിക്കോട് വലിയ ഖാസി പാണക്കാട് സയ്യിദ് അബ്ദുന്നാസിര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്തു. മുഹമ്മദ് ബാഖവി മാവൂര്‍ അധ്യക്ഷനായി. അയ്യൂബ് കൂളിമാട്, ഒ.പി അഷ്‌റഫ് പ്രസംഗിച്ചു. കെ.എ ഖാദര്‍ മാസ്റ്റര്‍, കാക്കുളങ്ങര മുഹമ്മദ് മുസ്‌ലിയാര്‍, ശുക്കൂര്‍ മാസ്റ്റര്‍, കോമു മായിന്‍ ഹാജി, അബ്ദുല്‍ ജബ്ബാര്‍ അന്‍വരി, ഇല്യാസ് ഫൈസി, അബ്ദുറഹ്മാന്‍ ലത്തീഫി, ഒ.എം അഹമ്മദ് കുട്ടി മൗലവി, ഹാഫിള് ആസിഫ് ഹുദവി, ഹാഫിള് അബ്ദുന്നാസിര്‍, ഖമറുദ്ദീന്‍ ഹുദവി, ഹാഫിള് അബ്ദുറഹ്മാന്‍ ദാരിമി, മുഹമ്മദ് സമീര്‍ സംബന്ധിച്ചു. റാലി 30ന് വൈകിട്ട് നാലിന് ചേന്ദമംഗല്ലൂരില്‍ നിന്നാരംഭിച്ച് പാഴൂര്‍ ദാറുല്‍ ഖുര്‍ആന്‍ കാംപസില്‍ സമാപിക്കും. സമാപന സമ്മേളനം സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥന നിര്‍വഹിക്കും. റഹ്മത്തുല്ലാഹ് ഖാസിമി മൂത്തേടം പ്രഭാഷണം നടത്തും.