മനാമ: കേരള കാത്തലിക് അസോസിയേഷന്റെ (കെ.സി.എ) നേതൃത്വത്തില്‍ നടത്തുന്ന 'യു.എ.ഇ എക്‌സ്‌ചേഞ്ച് കെ.സി.എ ടാലന്റ് സ്‌കാന്‍' കലാ മത്സരങ്ങള്‍ ജനുവരിയില്‍ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
സ്റ്റേജ്, സ്റ്റേജ് ഇതര വിഭാഗങ്ങളിലായി 37 ഇനങ്ങളിലാണ് മത്സരങ്ങള്‍ സംഘടിപ്പിക്കുന്നത്. ഡിസംബര്‍ 22ന് പരിപാടിയുടെ ഔപചാരിക ഉദ്ഘാടനം നടക്കും. ജനുവരി അഞ്ചിനാണ് മത്സരങ്ങള്‍ ആരംഭിക്കുക. അഞ്ച് മുതല്‍ 18 വയസ്സ് വരെയുള്ള കുട്ടികളെ വയസ്സിന്റെ അടിസ്ഥാനത്തില്‍ നാല് വിഭാഗങ്ങളായി തിരിച്ചാണ് മത്സരം.കെ.പി. ജോണ്‍, വിജു കല്ലറ ജോസ്,ടി.ഒ. ജോണ്‍സണ്‍,വര്‍ഗീസ് ജോസഫ്, വിനീഷ് കുമാര്‍, ജോസ് ഫ്രാന്‍സിസ് വാര്‍ത്താസമ്മേളനത്തില്‍ പങ്കെടുത്തു.