കോഴിക്കോട്: രണ്ടാമത് കേരള ലിറ്ററേച്ചര്‍ ഫെസ്റ്റിവലിന്റെ സംഘാ ടക സമിതി രൂപീകരിച്ചു. യോഗം സാഹിത്യകാരന്‍ യു.എ ഖാദര്‍ ഉദ്ഘാടനം ചെയ്തു. കോഴിക്കോട് അളകാപുരി ഹോട്ടലില്‍ നടന്ന ചടങ്ങില്‍ എം.കെ രാഘവന്‍ എം.പി അധ്യക്ഷനായി. എ.കെ അബ്ദുല്‍ ഹക്കീം, രവി ഡി.സി, ഡോ. ഖദീജ മുംതാസ്, മുക്കം മുഹമ്മദ്, കെ.വി ശശി, ശത്രുഘ്‌നന്‍ എന്നിവര്‍ സംസാരിച്ചു. 2017 ഫെബ്രുവരി രണ്ടു മുതല്‍ അഞ്ചു വരെ ബീച്ചിലാണ് ഫെസ്റ്റിവല്‍ നടക്കുന്നത്. രാജ്യത്തിനകത്തും പുറത്തുമുള്ള നിരവധി എഴുത്തുകാരും സാഹിത്യകാരന്മാരും കലാ സാമൂഹിക രംഗത്തെ പ്രമുഖരും ഫെസ്റ്റിവലില്‍ സംബന്ധിക്കും.