മട്ടാഞ്ചേരി: കവര്‍ച്ച കേസില്‍ യുവാവിനെ ഫോര്‍ട്ട്‌കൊച്ചി പൊലിസ് അറസ്റ്റ് ചെയ്തു. മട്ടാഞ്ചേരി സ്റ്റാര്‍ മൂലയില്‍ പുളിക്കല്‍ വീട്ടില്‍ ഖലീല്‍ റഹ്മാന്‍(18)ആണ് പിടിയിലായത്. മട്ടാഞ്ചേരി ചേമ്പര്‍ റോഡിന് പിറകിലെ വീട്ടില്‍ നിന്ന് സ്വര്‍ണവും മോഷ്ടിക്കുകയും മറ്റൊരു വീട്ടില്‍ നിന്ന് മൊബൈല്‍ ഫോണും ടാബും മോഷ്ടിച്ച കേസിലാണ് ഇയാള്‍ പിടിയിലായത്.കഴിഞ്ഞ പതിനെട്ടിനാണ് ഇയാള്‍ മോഷണം നടത്തിയത്. ഫോര്‍ട്ട്‌കൊച്ചി ഭാഗത്ത് സംശയാസ്പദമായ സാഹചര്യത്തില്‍ കണ്ട ഇയാളെ ഫോര്‍ട്ട്‌കൊച്ചി എസ്.ഐ എസ് ദ്വിജേഷ് ചോദ്യം ചെയ്തപ്പോഴാണ് മോഷണ വിവരം പുറത്ത് വന്നത്. പ്രതിയെ ഇന്ന് കോടതിയില്‍ ഹാജരാക്കും.